काठमाडौं – फिफा विश्वकप २०२६ को क्वाटरफाइनलमा मोरक्कोविरुद्धको जितका क्रममा घाइते भएका फ्रान्सेली स्टार स्ट्राइकर किलियान एम्बाप्पेले आफ्नो चोट गम्भीर नरहेको स्पष्ट पारेका छन् ।

बोस्टनमा मोरक्कोमाथि २–० को जित निकाल्ने क्रममा खेलको ७७औं मिनेटमा खुट्टा तन्काउँदै मैदानमा लडेपछि एम्बाप्पेलाई मैदानबाट बाहिर निकालिएको थियो । बेन्चतर्फ इसारा गर्दै उनी मैदानमा बस्दा फ्रान्सेली टोली र समर्थकमाझ चिन्ता बढेको थियो ।

खेलपछि सञ्चारकर्मीसँग कुरा गर्दै एम्बाप्पेले आफूलाई गोलीगाँठो (एन्कल) मा सामान्य चोट लागेको तर अहिले पूर्ण रूपमा ठीक रहेको बताएका छन् ।

लगातार तेस्रो पटक विश्वकपको फाइनल पुग्ने लक्ष्यमा रहेको फ्रान्सका लागि एम्बाप्पेको यो बयानले ठूलो राहत दिएको छ ।

फ्रान्सले अब सेमिफाइनलमा आगामी मंगलबार स्पेन वा बेल्जियमको सामना गर्नेछ, जसमा चोटमुक्त भएर एम्बाप्पे मैदान उत्रिने सम्भावना बलियो छ ।