दोहा- कतारको तट नजिएकै एउटा जहाजमा आक्रमण भएको छ।

बेलायती सेनाले बताएअनुसार आइतबार कतारको तटनजिकै एक सामान बाोकेको जहाज अज्ञात प्रोजेक्टाइलले लागेर आगो लागेको छ।

युनाइटेड किङ्गडम मेरिटाइम ट्रेड अपरेसन्स सेन्टरका अनुसार मालवाहक जहाजमा सानो आगो लागेको थियो, जसलाई पछि निभाइएको छ।

अधिकारीहरूले यो घटनामा कुनै पनि घाइते नभएको बताएका छन्।

खार्ग टापुनजिक ठूलो तेल चुहावट

इरानको खार्ग टापु नजिक समुद्रमा ठूलोमात्रामा तेल चुहिएको छ। यो ठाउँ इरानका लागि अत्यन्त महत्वपूर्ण छ । यहाँबाट देशको ठूलो हिस्साको तेल विदेश पठाइन्छ।

न्यूयोर्क टाइम्सको रिपोर्ट अनुसार स्याटेलाइट तस्बिरहरूमा समुद्रमा फैलिएको तेल देखिएको छ। बिहीबारसम्म यो करिब २० वर्ग माइल क्षेत्रमा फैलिसकेको थियो।

अर्बिटल ईओएस नामक संस्थाका अनुसार ३ हजार ब्यारलभन्दा बढी तेल समुद्रमा बग्ने सम्भावना छ।

तेल कसरी चुहियो भन्ने अझै स्पष्ट छैन। तर रिपोर्टमा होर्मुज स्ट्रेटमा तनाव र अमेरिकाको समुद्री नाकाबन्दीका कारण इरानको तेल प्रणालीमा ठूलो दबाब परिरहेको छ।

तेल चुहावट भएर साउदी अरेबिया तर्फ बढिरहेको देखिन्छ, जसले पर्यावरणलाई क्षति पुर्‍याउने चिन्ता बढाएको छ।