काठमाडौँ– नेपाल आयल निगमले पेट्रोलियम पदार्थ विक्रि गर्दा पाक्षिकरुपमा ७ अर्ब ८२ करोड रुपैयाँ घाटा भइरहेको बताएको छ । मूल्य बढाइरहँदा पनि पाक्षिकरूपमा करिब पौने ८ अर्ब रुपैयाँ घाटा रहेको निगमनका कार्यकारी निर्देशक डा चण्डिकाप्रसाद भट्टले बताए ।

शुक्रबार सार्वजनिक सन्देश जारी गर्दै उनले अझै इन्डियन आयल कर्पोरेसन (आइओसी) लाई बुझाउनुपर्ने बक्यौता रकम १६ अर्ब ३७ करोड बाँकी रहेको जानकारी दिए । त्यही भएर हिजो पुनः पेट्रोलियम पदार्थको मूल्या समायोजन गर्न निगम बाध्य भएको उनको भनाइ थियो ।

उनले पेट्रोलियम पदार्थको इन्धन खपत घटाउन र मितव्ययी बनाउन उपभोक्तालाई अपिल गरे । निगमले गएराति १२ बजेबाट लागू हुने गरी पेट्रोलमा प्रतिलिटर १७ रुपियाँ तथा डिजेल र मट्टितेलमा २५ रुपियाँ वृद्धि गरेको छ। यस्तै ग्यासमा १०० वृद्धि गरिएको छ ।