वासिङ्टन- अमेरिकी राष्ट्रपति डोनाल्ड ट्रम्पले इरानको एक विद्यालयमाथि टमाहक क्रुज मिसाइल प्रयोग गरेर भएको भनिएको आक्रमणबारे आफूलाई धेरै जानकारी नभएको बताएका छन्।

उनले यस विषयमा अनुसन्धान भइरहेको बताए। यो घटना फेब्रुअरी २८ मा इरानको दक्षिणी सहर मिनाबमा रहेको एक गर्ल्स स्कुलनजिक भएको विस्फोटसँग सम्बन्धित छ।

त्यस दिन विद्यालय नजिक शक्तिशाली विस्फोट भएको थियो। इरानी अधिकारीहरूका अनुसार उक्त घटनामा १५० भन्दा बढी मानिसको मृत्यु भएको छ।

जसमा धेरै बालबालिका पनि रहेका छन्। इरानले यसको जिम्मेवार अमेरिका र इजरायललाई ठहर गरेको छ। तर अमेरिकाले यी आरोप अस्वीकार गर्दै घटनाको अनुसन्धान भइरहेको जनाएको छ।

ट्रम्पले टमाहक मिसाइल अत्यन्त शक्तिशाली हतियार भएको र यसलाई अमेरिका मात्र होइन, अन्य केही देशहरूले पनि प्रयोग गर्ने बताए। उनले इरानसँग पनि यस्ता मिसाइल हुन सक्ने सम्भावना रहेको भन्दै अहिले नै निश्चित रूपमा केही भन्न नसकिने बताए।