काठमाडौं- राष्ट्रपति कार्यालयका प्रवक्ता रितेशकुमार शाक्यले कोही पनि मन्त्री बन्ने विषयमा औपचारिक पत्र नआएको जानकारी दिएका छन् ।

उनले खबरहबसँग टेलिफोन सम्पर्कमा कुरा गर्दै आफूहरुलाई अहिलेसम्म कोही पनि मन्त्री बन्ने विषयमा औपचारिक पत्र नआएको जानकारी दिए । उनले मिडियामा अनावश्यक कुराहरु आएको दाबी गरे ।

‘हामीलाई अहिलेसम्म औपचारिक पत्र आएको छैन मन्त्रिपरिषद् बैठक बसिरहेको भन्ने जानकारी छ ।’ उनले भने, ‘अरु कुनै मन्त्री नियुक्तिको विषयमा पत्र आएको छैन सञ्चार माध्यमबाट हामीलाई जानकारी भएको हो फेक हो कि सत्य हो थाहा छैन ।’

शाक्यले भने, ‘सञ्चारमाध्यममा कसले यस्तो कुरा बतायो त्यो हामीलाई जानकारी भएन । पत्र आएको खण्डमा आज नै मन्त्रीलाई शपथ ग्रहण गराउन सम्भव छ तर हामीलाई नढाटी भन्दा पत्र आएको छैन ।’