काठमाडौं– नेपालका लागि भारतका राजदूत नवीन श्रीवास्तवले प्रधानमन्त्री वालेन्द्र शाहसँग सोमबार शिष्टाचार भेट गरेका छन् ।

प्रधानमन्त्री तथा मन्त्रिपरिषद्को कार्यालयमा भएको भेटमा नेपाल–भारत सम्बन्ध, आपसी सहकार्य तथा द्विपक्षीय हितका विषयमा छलफल भएको जनाइएको छ ।

वालेन्द्र प्रधानमन्त्री भएयता पहिलोपटक भारतीय राजदूतसँग एक्लाएक्लै भेट भएको हो भेटका क्रममा दुई देशबीचको सम्बन्धलाई थप सुदृढ बनाउने तथा पारस्परिक सहयोग र सहकार्यलाई प्रभावकारी बनाउने विषयमा कुराकानी भएको बताइएको छ ।

भेटका क्रममा राजदूत श्रीवास्तवले प्रधानमन्त्री शाहलाई शुभकामना व्यक्त गर्दै नेपाल–भारतबीचको आपसी सम्बन्ध र सहकार्यलाई थप सुदृढ बनाउने प्रतिबद्धता जनाए । 

प्रधानमन्त्री शाहले पनि भारतसँगको ऐतिहासिक सम्बन्धलाई थप प्रगाढ बनाउँदै साझा हितका क्षेत्रमा मिलेर काम गर्नुपर्नेमा जोड दिए ।

दुवै तर्फका प्रतिनिधिहरुसहित भएको भेटवार्ता ४५ मिनेट चलेको थियो ।