काठमाडौं – कमेडी च्याम्पियनबाट उदाएका कलाकार सुमन कोइराला नायकका रुपमा ठूलो पर्दामा देखिने भएका छन् ।

‘दले दाइ’को चरित्रबाट चर्चामा आएका कोइरालाको डेब्यू फिल्मको नाम ‘तिरिमिरी झ्याइँ’ हो । उनकै विज्ञता रहेको रहेको केमेडी जनरामा यो फिल्म बन्ने बताइएको छ ।

यस फिल्मको बिहीबार काठमाडौंको एक मन्दिरमा शुभ मुहूर्त गरिएको हो ।

फिल्ममा नायक धिरेन शाक्यसहित आभास अधिकारी, सरोज अर्याल, रियर राई, सुरज चौलागाईं, राज न्यौपाने, जयराम ढकाललगायतको अभिनय रहने बताइएको छ ।

निर्देशक समीरले यो फिल्म पूर्ण केमेडी रहेको बताए । उनले भने, ‘सुरुदेखि अन्त्यसम्मका दर्शक हँसाउने फिल्म हो ।’

उनका अनुसार फिल्मको सुटिङ असार २९ बाट सुरु हुनेछ ।

आभास अधिकारीको कथा तथा कन्सेप्टमा फिल्म बन्ने भएको हो । गणेश उपाध्याय, प्रेमबहादुर थापा र सुमन कोइरालाले संयुक्त रूपमा पटकथा तथा संवाद तयार पारेका हुन्।

अधिकारी कार्यकारी निर्माता पनि हुन् । राइजन मोसन पिक्चर्सको ब्यानरमा बन्ने यस फिल्मको निर्माता प्रद्युम्न बोगटी ‘प्रवीन’ हुन् ।