काठमाडौं- उपाध्यक्ष रामबहादुर थापा ‘बादल’ संयोजक रहेको नेकपा एमालेको चुनावी समीक्षा कार्यदलको सदस्य सचिवमा महासचिव शंकर पोखरेललाई तोकिएको छ।

बादल संयोजक रहेको समितिको सदस्य सचिवमा महासचिव शंकर पोखरेललाई तोक्ने निर्णय अध्यक्ष केपी शर्मा ओलीसमेत उपस्थित भएर च्यासलमा बसेको बैठकले गरेको हो ।

नेकपा एमाले पुनर्गठन तथा चुनावी समीक्षा कार्यदलको सदस्यसचिवको जिम्मेवारी महासचिव शंकर पोखरेललाई दिने निर्णय निर्णय गरेको बैठकमा सहभागी एक नेताले खबरहबलाई जानकारी दिए।

ओलीनिकट शङ्करले यसअगाडि पार्टी पुनर्गठन र पुस्तान्तरण हुनुपर्ने माग सचिवालय बैठकमा उठाएका थिए। बादल भने अहिले पनि ओलीका विश्वास पात्रमा दरिएका छन् ।

बादललाई संयोजकको जिम्मेवारी दिएर सम्पूर्ण काम र गतिविधि ओलीकै कमान्डमा गर्न लागिएको छ।

एमालेका युवा नेता तथा पार्टी सचिवालयका १४ जना नेताहर ओलीको विकल्प खोज्ने पक्षमा छन् । तर ओली आफूलाई टिकाइराख्न नेतृत्व हस्तान्तरणलाई रोक्ने योजना बनाएका छन् ।