काठमाडौं- श्रम संस्कृति पार्टीका अध्यक्ष हर्क साम्पाङले प्रधानमन्त्री बालेन शाहमाथि संसद् बैठकमा कटाक्ष गरेका छन् ।

मंगलबार बसेको प्रतिनिधिसभा बैठकमा बोल्दै साम्पाङले प्रभानमन्त्री शाहलाई बोलाउँदा नआएको भन्दै बोकेर ल्याउने चलन पनि नभएको भन्दै कटाक्ष गरेका छन् ।

‘प्रधानमन्त्रीलाई बोलाको बोलाएकै गर्ने, उहाँ आउँदिन भन्नुहुन्छ। पक्रेर ल्याउने, बोकेर ल्याउने चलन पनि छैन,’ उनले भने ।

त्यस्तै संसद्को वर्तमान गतिरोध अन्त्य गर्न साम्पाङले सङ्कल्प प्रस्ताव पेश गरेका छन्।

‘सभामुखज्यूले ल आउनुपर्छ भन्दा उहाँ मान्नुहुन्न। कहिलेकाहीँ आउनुहुन्छ, आएर फेरि के बोल्नुहुन्छ हुन्छ, समस्या भयो’, उनले भने, त्यसले गर्दा म आज एउटा सङ्कल्प प्रस्ताव पेश गर्न चाहन्छु। २०७९ सालको नियमावलीको नियम ८४ (१) को (ग) लाई टेकेर संकल्प प्रस्ताव पारित गरौँ ।’