काठमाडौं – नेपाली कांग्रेसका नेता शेखर कोइराला विशेष महाधिवेशनबाट चयन भएको नेतृत्व स्विकार्न सकारात्मक देखिएका छन्।
सभापति गगन थापानिकट एक नेताका अनुसार, कोइरालाले विशेष महाधिवेशनबाट बनेको नेतृत्व र कार्यसमितिलाई वैधानिक रूपमा स्विकार्दै पार्टी एकता कायम राख्न मध्यस्थ भूमिका खेल्न तयार रहेको बताएका छन्।
मंगलबार कोइरालाले दुवै पक्षसँग संवाद गर्न छुट्टाछुट्टै वार्ता टोलीसमेत गठन गरेका छन्।
पूर्वसभापति शेरबहादुर देउवा पक्षसँग छलफलका लागि कोइरालाले डा. मिनेन्द्र रिजाल र गोविन्द पोखरेललाई अघि सारेका छन्। संस्थापन पक्षसँग वार्ताको लागि तत्कालीन कार्यसमितिका सहायकमन्त्रीद्वय जीवन परियार र बद्री पाण्डेलाई जिम्मेवारी दिइएको एक नेताले बताए।
प्रतिक्रिया