काठमाडौँ – नेपाली कांग्रेसको १५ औँ महाधिवेशनमा निर्विरोध वरिष्ठ उपसभापति निर्वाचित भएका विश्वप्रकाश शर्माले मतदान गरेका छन् । शुक्रबार साँझ खुलमञ्चस्थित तराई मधेश हलमा पुगेर शर्माले मतदान गरेका हुन् ।

बिहान ७ बजे सुरु भएको मतदान यो समाचार बनाउँदासम्म जारी छ । शर्माले साँझ ७ बजेर १५ मिनेट जाँदा मतदान गरिसकेका हुन् ।

नेपाली कांग्रेसको १५औँ महाधिवेशनअन्तर्गत सभापति पदका लागि खसेको मतको गणना आजै हुँदैछ । मतगणना राष्ट्रिय सभागृहमा हुने निर्वाचन समितिका सदस्य सचिव राजु कटुवालले जानकारी दिए।

सभापतिबाहेक अन्य पदका लागि खसेको मतपत्र भने आजै पार्टी केन्द्रीय कार्यालय सानेपामा लगिने र सभापतिको नतिजा आएपछि मात्रै गणना सुरु गरिने निर्वाचन समितिले जनाएको छ।