काठमाडौं- नेपालका लागि अमेरिकी कार्यवाहक राजदूत मेगन बोल्डिनले नेपाल प्रहरीका महानिरीक्षक दानबहादुर कार्कीसँग भेटवार्ता गरेकी छन् ।

भेटका क्रममा बोल्डिनले हालैको बाढीपहिरो तथा प्राकृतिक विपत्तिमा परी बेपत्ता भएका अमेरिकी नागरिकका साथै अन्य पीडितहरूको खोजतलास, पहिचान र उद्धारमा नेपाल प्रहरीले खेलेको भूमिकाप्रति धन्यवाद व्यक्त गरिन् ।

सो अवसरमा कार्यवाहक राजदूत बोल्डिनले विपदबाट प्रभावित नेपाली र अमेरिकी नागरिकको सहयोगका लागि अमेरिका सधैँ प्रतिबद्ध रहेको जनाएकी छिन् ।

उनले अमेरिकाका तर्फबाट विपद् व्यवस्थापन तथा प्रतिकार्यका लागि आवश्यक उपकरण, विपद् पीडित पहिचान (डीभीआई) सहयोग र र्‍यापिड डीएनए सामग्रीहरू उपलब्ध गराउने प्रतिबद्धता समेत व्यक्त गरिन् ।