काठमाडाैँ – मुग्लिन–काठमाडौं सडक खण्डअन्तर्गत कृष्णभीरको पहिरो क्षेत्र छल्ने गरी वैकल्पिक सडक निर्माणको काम भइरहेको छ ।

चितवनको फिस्लिङदेखि धादिङको बेनीघाट जोड्ने गरी गोरखातर्फबाट नयाँ ट्र्याक खोल्ने तथा सडक स्तरोन्नतिको काम हुँदैछ । 

चितवनको फिस्लिङपारि गोरखातर्फको पल्लोटारदेखि सिउरेनीटार हुँदै धादिङको बेनीघाट निस्कने छोटो दूरीको सडकलाई वैकल्पिक मार्गका रूपमा स्तरोन्नति गर्न लागिएको हो । 

उक्त सडकको कुल लम्बाइ १९ किलोमिटर छ । उक्त खण्डमा १.२ किलोमिटर नयाँ ट्र्याक खोलेर सडक स्तरोन्नति गरिनेछ ।

कृष्णभीरमा पहिरो कतिबेला खस्छ र आवतजावत बन्द हुन्छ भन्ने अनिश्चित रहेकाले वैकल्पिक सडक निर्माण अघि बढाइएको हो । 

तस्बिर : हीरालाल गुरुङ/नेपाल फोटो लाइब्रेरी