बनेपा – काभ्रेमा मृत्यु, दोहोरो दर्ता र नागरिकता परित्याग गरेका २ हजार ६०२ जनाको नाम मतदाता नामावलीबाट हटाइएको छ ।

जिल्ला निर्वाचन कार्यालयले मतदाता नामावली अद्यावधिक गर्ने क्रममा मृत्यु भएका १ हजार ४०२, दोहोरो दर्ता भएका १ हजार १९८ र नागरिकता परित्याग गरेका दुई जनाको नाम हटाएको हो ।

जिल्ला निर्वाचन कार्यालयका सूचना अधिकारी नरेश मानन्धरका अनुसार मृत्यु भएका मतदाताको नाम सबैभन्दा बढी भुम्लु गाउँपालिकाबाट हटाइएको छ । भुम्लुबाट ३७५, पनौती नगरपालिकाबाट २९६, नमोबुद्ध नगरपालिकाबाट २८१, बनेपा नगरपालिकाबाट २४०, धुलिखेल नगरपालिकाबाट ९७, महाभारत गाउँपालिकाबाट ६५, पाँचखाल नगरपालिकाबाट ३४ र बेथानचोक गाउँपालिकाबाट १४ जनाको नाम हटाइएको छ ।

त्यस्तै, दोहोरो दर्ताका कारण पनौती नगरपालिकाबाट सबैभन्दा बढी १४१ जनाको नाम हटाइएको छ । चौँरीदेउराली गाउँपालिकाबाट ११८, नमोबुद्ध नगरपालिकाबाट १०९, पाँचखाल नगरपालिकाबाट १०४, मण्डनदेउपुर नगरपालिकाबाट १०१ र रोशी गाउँपालिकाबाट ९९ जनाको नाम हटाइएको छ ।

तेमाल गाउँपालिकाबाट ८२, धुलिखेल र बनेपा नगरपालिकाबाट ८०–८०, बेथानचोक गाउँपालिकाबाट ७४, भुम्लु गाउँपालिकाबाट ७२, महाभारत गाउँपालिकाबाट ७० तथा खानीखोला गाउँपालिकाबाट ६८ जनाको दोहोरो दर्ता हटाइएको कार्यालयले जनाएको छ ।

नागरिकता परित्याग गरेका कारण पनौती र मण्डनदेउपुर नगरपालिकाबाट एक–एक जनाको नाम हटाइएको छ ।

मृत्यु, दोहोरो दर्ता र नागरिकता परित्यागका कारण हटाइएका नाममध्ये भुम्लु गाउँपालिकामा सबैभन्दा बढी ४४७ जना छन् । पनौती नगरपालिकामा ४३८, नमोबुद्धमा ३९०, बनेपामा ३२०, धुलिखेलमा १७७, पाँचखालमा १३८ र महाभारतमा १३५ जनाको नाम हटाइएको छ ।

त्यसैगरी, चौँरीदेउरालीबाट ११८, रोशीबाट ९९, बेथानचोकबाट ८८, तेमालबाट ८२, मण्डनदेउपुरबाट १०२ र खानीखोलाबाट ६८ जनाको नाम मतदाता नामावलीबाट हटाइएको सूचना अधिकारी मानन्धरले जानकारी दिए।