काठमाडौं– अफ्रिकी मुलुक मोरक्कोबाट केही समयअघि सेउटा छिरेका दशौँ हजार आप्रवासीलाई रोक्न नसकेको स्पेनले इटालीबाट आएका १९९ आप्रवासीको खानतलासी गरेको छ । इटालीसँग अनियमित आप्रवासनका विषयमा तिक्तता बढ्दै गएपछि स्पेनले यस्तो कदम चालेको हो ।

स्पेनका छवटा विमानस्थलमा ती आप्रवासीको चेकजाँच गरिएको समाचार संस्था रोयटर्सले जनाएको छ । उनीहरु १२ वटा उडानमार्फत् इटालीबाट स्पेन आएका थिए ।

उनीहरुलाई मड्रिड, बार्सिलोना, सेभिया, बिलबाओ, आलिकान्ते र भ्यालेन्सियाका विमानस्थलमा चेकजाँच गरिएको त्यहाँको आप्रवासन मन्त्रालयले जनाएको छ ।

इटालीले गत अक्टोबर १ देखि लागू हुनेगरी स्पेनसँग गैर युरोपेली नागरिकका लागि सेङ्गेन भिसा फ्रि सम्झौता स्थगन गरेको छ । यससँगै स्पेनले पनि इटालीविरुद्ध जवाफी कदम चालेको हो ।

शनिबारदेखि लागू गरिएको स्पेनको यो नियम आगामी सेप्टेम्बर ७ सम्म कायम रहने समाचार संस्था रोयटर्सले जनाएको छ ।