दोलखा- दोलखा जिल्लाका चारवटा गाउँपालिका पुर्णखोप सुनिश्चितता गाउँपालिका घोषणा गरिएको छ। जिल्ला समन्वय समिति दोलखा र जनस्वास्थ्य कार्यालय दोलखाले जिल्लाको गौरीशंकर,वैतेश्वर, मेलुङ र शैलुङ गाउँपालिकालाई आर्थिक वर्ष २०८२/०८३ मा पुर्णखोप सुनिश्चितता गाउँपालिका घोषित भएका हुन् ।

शुक्रबार जिल्लाको वैतेश्वर गाउँपालिकालाई पुर्णखोप सुनिश्चितता तथा प्रतिबद्धता घोषणा गरिएको जनस्वास्थ्य कार्यालय दोलखाका भुवन केसीले जानकारी दि ए। जनस्वास्थ्य कार्यालयले पूर्णखोप पालिका घोषणा गर्दै वैतेश्वर गाउँपालिका अध्यक्ष छवि लामालाई खोप सुनिश्चितताको प्रमाणपत्र हस्तान्तरण गरेको थियो ।

गाउँपालिका भित्रका जन्मेदेखी १५ महिनाका एकसय ३९ जना बालबालिकालाई पूर्णखोप लगाइएको बताए । त्यसैगरी घरधुरी संरक्षण गर्दा ३ सय ६५ जना बालबालिकाले चैत मसान्तसम्म पूर्णखोप प्राप्त गरेको वैतेश्वर गाउँपालिकाका जनस्वास्थ्य अधिकृत अमित यादवले बताए ।

यादवले खोप सुनिश्चितता तथा दिगोपना नियमित खोप सुदृढीकरण कार्यक्रमको लक्ष्य हासिल गर्ने पालिकाको रूपमा प्रमाणपत्र हस्तान्तरण गरिएको जनस्वास्थ्य कार्यालय दोलखाले जनाएको छ । बालबालिकालाई जन्मेदेखि नै विभिन्न रोगविरुद्धको खोप अनिवार्य हुन्छ । सबै बालबालिकाले तोकिएको खोप पूरा गरेपछि मात्र पूर्णखोप घोषणा गरिने हुँदा यस वर्षपनि सबै बालबालिकालाई  खोपको सबै मात्रपुरा गरिएको हुँदा पूर्णखोप प्राप्त गर्ने पालिका घोषणा गरिएको थियो ।

गाउँपालिका अध्यक्ष छवि लामाको अध्यक्षयता सम्पन्न उक्त कार्यक्रममा उपाध्यक्ष कल्पना उप्रेती,जनस्वास्थ्य कार्यालयका प्रतिनिधि,वैतेश्वर गाउँपालिकाका वडा अध्यक्षहरु,गाउँपालिकाका प्रमुख प्रशासकीय अधिकृत, स्वास्थ्य शाखा प्रमुख, स्वास्थ्य स्वयंमसेवीका लगायतले पूर्णखोप कार्यक्रमलाई सम्बोधन गर्दै नियमित खोप कार्यक्रमको लागि प्रतिबद्धता पत्रमा हस्तान्तरण गरेका थिए । वार्षिक खोप अभियानलाई पुर्ण बनाउन लाग्ने वडागत रूपमा स्वास्थ्य चौकी इन्चार्जहरुलाई सम्मान समेत गरिएको थियो।

सुवाश बस्नेत/दोलखा