यो कार्टुनले श्रम संस्कृति पार्टीका अध्यक्ष हर्क साम्पाङ र रास्वपाका वरिष्ठ नेता एवं प्रधानमन्त्री वालेन्द्र शाहबीचको राजनीतिक कटुलाई उजागर गरेको छ । यसले केवल दुई व्यक्तिबीचको मनमुटाव मात्र नभएर दुई फरक राजनीतिक चिन्तन र कार्यशैलीबीचको टकरावलाई बुझाउँछ ।

यी दुवै २०७९ सालताका ‘वैकल्पिक राजनीति’ को रूपमा एकैसाथ उदाएका पात्र हुन् ।

गत स्थानीय निर्वाचनताका दुवैजना स्वतन्त्र उम्मेदवारका रूपमा निर्वाचित हुँदा को बढी प्रभावशाली भन्ने मानसिकता विकास भएकोमा गत प्रतिनिधिसभा निर्वाचनबाट बालेन प्रधानमन्त्री बनेका छन् भने हर्क सांसद बनेका छन् ।

वैकल्पिक शक्ति र व्यक्तिका रुपमा उदायका यी दुईबीचको दूरी बढेको हर्कले सामाजिक सञ्जालमा पोष्ट गर्ने सन्देशले प्रष्ट पार्ने गरेको छ ।

सरकारका हरेक काममा हर्कले फरक मत राख्ने गरेका छन् । हर्क आफ्नो यात्रामा यति मग्न छन् कि उनले आफ्नो अगाडि रहेको भीर अर्थात् सम्भावित राजनीतिक जोखिमलाई नियाल्न सकेका छैनन् । तर उनको यो यात्रालाई बालेनले पछाडिबाट हेरिरहेका छन् ।