काठमाडौं- पाकिस्तानमा बलोच समुदायका व्यक्तिलाई जबरजस्ती बेपत्ता पारिने क्रम अझै रोकिएको छैन । पाकिस्तानको कराँचीस्थित फकिर कोलोनीबाट मीर इकबाल नामका एक व्यक्तिलाई जबरजस्ती बेपत्ता पारिएको परिवारले आरोप लगाएका छन्।

हैदर बलुचका छोरा इकबाललाई गत अप्रिल २ (२०२६) को राति करिब ११:३० बजे उमर बलुच मोहल्लास्थित आफ्नै घरबाट नियन्त्रणमा लिइएको हो। पीडितका आफन्तका अनुसार पाकिस्तानी गुप्तचर निकाय र कराँची रेन्जर्सका कर्मचारीहरू पर्खाल नाघेर घरभित्र छिरेका थिए।

सो क्रममा सुरक्षाकर्मीले परिवारका सदस्यहरूमाथि कुटपिट गर्नुका साथै उनीहरूको मोबाइल फोन समेत खोसेका थिए। इकबाललाई कहाँ राखिएको छ भन्नेबारे हालसम्म कुनै जानकारी दिइएको छैन।

उनको अवस्था अज्ञात रहेकाले परिवार निकै चिन्तित रहेको जनाइएको छ । परिवारले इकबालको तत्काल रिहाइ र सुरक्षाको माग गर्दै सम्बन्धित अधिकारी तथा अन्तर्राष्ट्रिय मानवअधिकारवादी संस्थाहरूलाई गुहारेका छन्।