काठमाडौं- पाकिस्तानी प्रहरीले एक जना अफगान पत्रकारलाई पक्राउ गरेको छ । अफगान पत्रकार सइद कासिम हासेमी नाम गरेका ती पत्रकारलाई प्रहरीले एबोटाबाद–इस्लामावाद सडकखण्डबाट नियन्त्रणमा लिएको हो ।
प्रहरीले उनलाई के कारणले पक्राउ गरेको हो र हाल उनलाई कहाँ राखिएको छ भन्नेबारे थप विवरणहरू अझै सार्वजनिक भएका छैनन् । उनको अवस्था पनि अज्ञात नै छ ।
अफगानिस्तानमा तालिबान समूह पुनः सत्तामा फर्किएपछि त्यहाँका धेरै पत्रकारहरू असुरक्षित महसुस गर्दै छिमेकी मुलुकहरू इरान र पाकिस्तानतर्फ भागेका थिए । तालिबानको सम्भावित प्रतिशोधबाट बच्न र आफ्नो सुरक्षाका लागि ठूलो संख्यामा पत्रकारहरूले देश छाडिरहेका बेला पाकिस्तानमा यो पक्राउको घटना सार्वजनिक भएको हो।
प्रतिक्रिया