विराटनगर- कोशी प्रदेशका मुख्यमन्त्री हिक्मतकुमार कार्की र गण्डकी प्रदेशका मुख्यमन्त्री सुरेन्द्र पाण्डेबीच बिहीबार विराटनगरमा भेटघाट भएको छ।

भेटको अवसरमा दुई प्रदेशबीच हुनसक्ने सहकार्य र समृद्धिका विषयमा कुराकानी भएको छ।

विराटनगर-पोखरा हवाई सेवा सञ्चालनका साथै पोखरा आएका पर्यटकलाई कोशीमा माउन्टेन फ्लाइट गराउने विषयमा दुई मुख्यमन्त्रीबीच कुराकानी भएको छ।

दुवै प्रदेश पर्यटनका हिसाबले महत्वपूर्ण रहेको मिलेर जोड दिन सके समृद्धि हासिल गर्ने कुरामा सहयोग पुग्ने विश्वास मुख्यमन्त्रीहरूले गरेका छन्।

कोशी प्रदेशका मुख्यमन्त्रीका प्रमुख स्वकीय सचिव जीवनकुमार कार्कीका अनुसार गण्डकी प्रदेशका पाण्डे व्यक्तिगत भ्रमणका सिलसिलामा विराटनगर पुगेका हुन् ।