वाशिङ्टन- अमेरिकी राष्ट्रपति ट्रम्पले इरानको सभ्यता नै समाप्त गरिदिने धम्की दिएका छन् ।

ट्रुथ सोसियलमा लेख्दै उनले इरानले स्ट्रेट अफ हर्मुस नखोलेको रिस पोखेका हुन्।

उनले लेखेका छन्, ‘म यस्तो हुन चाहन्न, तर सम्भवतः त्यस्तै हुनेछ। तर, अहिले पूर्ण र सम्पूर्ण शासन परिवर्तन भइसकेको अवस्थामा, जहाँ फरक, बुद्धिमान र कम कट्टर सोच भएका मानिसहरू हाबी हुन्छन्, सायद केही क्रान्तिकारी रूपमा राम्रो कुरा हुन सक्छ।’

उनले आजको रात इतिहासकै एक महत्वपूर्ण क्षण हुने भनेका छन् । ‘कसलाई थाहा? हामी आज राति थाहा पाउनेछौँ-यो विश्वको लामो र जटिल इतिहासकै एक महत्वपूर्ण क्षणमध्ये एक हुनेछ। ४७ वर्षदेखि चलिरहेको जबर्जस्ती, भ्रष्टाचार र मृत्युको अन्त्य हुनेछ। इरानका महान जनतालाई भगवानको आशीर्वाद रहोस्।’