काठमाडौं – नायिका बेनिशा हमालको डेब्यू नाटकमा अर्की नायिका रेखा थापाले लगानी गर्ने भएकी छन् ।
कान्तिपुर फिल्म एकेडेमीले मंगलबार सार्वजनिक गरेको पोस्टरमा निर्मातामा रेखा थापाको नाम राखिएको छ । निर्देशन भने सुन्दर धिताल रहेका छन् ।
केही महिनाअघि रेखाले सुन्दरको निर्देशनमा नाटक ‘मीरा’ गरेकी थिइन् ।
‘सेतो धरती’ चैत २७ बाट मञ्चन हुँदै छ । अहिले रिहर्सलको चरणमा रहेको यस नाटकमा ३० भन्दा बढी कलाकार रहेको एकेडेमीले बताएको छ ।
अमर न्यौपानेद्वारा लिखित मदन पुरस्कार विजेता पुस्तक सेतो धरती मा आधारित यस नाटक बन्ने बताइएको छ ।
प्रतिक्रिया