काठमाडौं- गोदरेज नेपालले टी २० विश्वकप अन्तर्गत नेपाल राष्ट्रिय क्रिकेट टोलीको खेल प्रत्यक्ष हेर्न पाउने उपभोक्ता योजनाका विजेता सार्वजनिक गरेको छ ।

गोदरेजले गत मंसिर २९ गतेदेखि देशभर लागू गरेको यस क्याम्पेनअन्तर्गत पहिलो चरणका विजेता छनोट गरिएको कम्पनीले जनाएको छ ।

कम्पनीका अनुसार पहिलो चरणको विजेता काठमाडौं टोखा निवासी लुना ज्ञवाली हुन् । उनले खाडादेवी इलेक्ट्रोनिक्स-गोदरेजको आधिकारिक बिक्रेताबाट गोदरेज वासिङ मेसिन खरिद गरी योजनामा सहभागिता जनाएकी थिइन्  ।

यस योजनाअन्तर्गत विजेताले ४ रात ५ दिनको मुम्बई यात्रासहित वानखेडे स्टेडियममा नेपाल राष्ट्रिय क्रिकेट टोलीको एक खेल प्रत्यक्ष अवलोकन गर्ने अवसर प्राप्त गर्नेछिन् । 

उक्त यात्रा प्याकेजमा हवाई टिकट, होटल बसाइ, म्याच टिकट तथा अन्य आवश्यक सम्पूर्ण खर्च कम्पनीले नै व्यहोर्ने जानकारी दिएको छ ।

कम्पनीका अनुसार यो अवसर अझै विशेष रहनेछ । जसमा सहभागी हुन ग्राहकले गोदरेज [स्पेस] [वारेन्टी कार्ड नम्बर] [स्पेस] [उत्पादनको नाम] [स्पेस] [ग्राहकको नाम] [स्पेस] [ठेगाना] टाइप गरी ३१००३ मा एसएसएस पठाउनुपर्ने कम्पनीले जनाएको छ।