काठमाडौं – नायक दयाहाङ राई, प्रकाश सपुत र नायिका सिर्जना निङ्लेखु शीर्ष भूमिकामा रहेको फिल्म ‘मिरमिरे’को ट्रेलर सार्वजनिक भएको छ ।

निर्माण पक्षले मंगलबार कमलपोखरीमा एक कार्यक्रमको आयोजना गरी ट्रेलर सार्वजनिक गरेको हो ।

सार्वजनिक ट्रेलर आमाको अनुपस्थितिमा छोरी र बुवाबीचको प्रेमलाई केन्द्रमा राखिएको छ । शिक्षिकाको भूमिकामा रहेकी सिर्जना, स्कुलकै कर्मचारी दयाहाङ र शिक्षकको भूमिकामा रहेका प्रकाशबीचको त्रिकोणात्मक प्रेम पनि ट्रेलरमा देखाइएको छ।

दयाहाङ र सिर्जनाको प्रेम छोरीले थाहा पाएपछि उत्पन्न परिस्थितिले अब के हुन्छ भन्ने कौतुहलता ट्रेलरले छोडेको छ ।

छोरीको भूमिका शाइसा गौचनले निर्वाह गरेकी छन् ।

माघ १ बाट प्रदर्शनमा आउने यस फिल्मको निर्देशक र लेखक यम शेर्पा हुन् । यार्शा फिल्मस्को ब्यानरमा बनेको यस फिल्मको निर्माताहरु निमु शेर्पा, छोङ्बा लामा शेर्पा र आङछिरिङ शेर्पा हुन् ।

हेर्नुहोस् ट्रेलर :