काठमाडौं– रसुवा बाढीका कारण प्रभावित जलविद्युत आयोजनाका सुरुङमा भइरहेको खोज तथा उद्धार कार्यको पछिल्लो अवस्थाबारे जानकारी गराउन प्रेस ब्रिफिङ आयोजना गरिएको छ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणले बाढीका कारण जलविद्युत आयोजनाका सुरुङ तथा संरचनामा फसेका वा सम्पर्कविहीन भएका व्यक्तिको खोजी तथा उद्धारमा भइरहेका प्रयासबारे सञ्चारकर्मीलाई जानकारी दिन प्रेस ब्रिफिङ आयोजना गरिएको  हो ।

सिंहदरबारस्थित राष्ट्रिय विपद् जोखिम न्यूनीकरण तथा व्यवस्थापन प्राधिकरणमा आयोजना ब्रिफिङमा प्रभावित जलविद्युत आयोजनामा भइरहेको खोज, उद्धार, सुरक्षा अवस्था तथा हालसम्म भएका प्रगतिबारे नेपाली सेना, सशश्त्र प्रहरी र नेपाल प्रहरी जानकारी दिएको छ ।

गत भदौ १० गते रसुवामा आएको भीषण बाढीका कारण जलविद्युत आयोजना, सडक, पुललगायतका भौतिक संरचनामा ठूलो क्षति पुगेको छ । बाढीपछि प्रभावित क्षेत्रमा बेपत्ता भएकाहरूको खोजी तथा उद्धार कार्य विभिन्न निकायको समन्वयमा जारी छ।

तस्बिर : नेपाल फाेटाे लाइब्रेरी