काठमाडौँ । सत्तारुढ रास्वपाका सांसद अमरेशकुमार सिंहले राज्य कसरी चलेको छ भन्दै प्रश्न गरेका छन् । काभ्रे कुन्दाबेँसीका केदारनाथ पराजुली र उनकी श्रीमती उपचार नपाएकै कारण सुनकोशीमा हेलिएको आशंका गरिएको घटनाको प्रसंग निकाल्दै सिंहले सरकारमाथि गम्भीर प्रश्न गरेका हुन् ।

श्रीमतीलाई क्यान्सर हुँदा उपचार नहुँदा दुवैजना एकैपटक खोलामा हामफाल्नुु चानचुने कुरा भएको सिंहको भनाइ छ ।

‘कुन्दाबेँसी काभ्रेका केदारनाथ पराजुली र उनकी श्रीमती उपचार नपाएर सुनकोसीमा हाम फालेको सत्य हो भन्ने यो राज्यको लागि ऐना हो। श्रीमतीलाई क्यान्सर उपचार नहुँजना एकैपटक खोलामा हाम फाल्नु चानचुने कुरा होइन,’ उनले भने, ‘गरिबले उपचार पाइरहेका छैनन्,गृहिणीले ग्यास पाइरहेका छैनन् ,युवाले रोजगार पाएका छैनन् । किसानले मल पाएका छैनन्, गाउँघरका जनताले सिटामोल पाएका छैनन् । यो राज्य संयन्त्र कसरी चलेको छ? यसमा राज्य संवेदनशील हुनुपर्ने होइन?’