काठमाडौं – बिग बजेटको फिल्म भनेर निर्माण पक्षले दाबी गरेको ‘साम्राज्य’मा नायक सौगात मल्लको प्रवेश भएको छ ।

फिल्मको शीर्ष भूमिकाका लागि उनी अनुबन्ध भएको निर्माण पक्षले जनाएको हो ।

निर्देशक चौधरीले भने, ‘हामीले पहिलो कलाकारका रूपमा सौगात मल्ललाई भित्र्याएका छौँ । उहाँ जस्तो अभिनयमा अब्बल कलाकार नै यो कथाको माग हो ।’

यस फिल्ममा सौगातको भूमिका चुनौतीपूर्ण रहेको उनले खुलाए । भने, ‘सौगातले २५ वर्षको जवानदेखि ८० वर्षको वृद्धसम्मको जीवन यात्रालाई चित्रण गर्नेछन् । एउटै चलचित्रमा यति ठूलो उमेरको अन्तर देखाउनु चुनौतीको विषय हो ।’

अन्य कलाकारहरूको छनोट प्रक्रियाबारे जारी रहेको उनले जानकारी दिए । यस फिल्मको सुटिङ भदौ पहिलो साता हुने बताइएको छ ।

यसअघि सौगात र सौरभले फिल्म ‘अगस्त्य‘मा पहिलो सहकार्य गरेका थिए । उक्त फिल्म बक्स अफिसमा सामान्य ठहर भएको थियो ।