काठमाडौं– नेपाल स्टक एक्सचेन्ज (नेप्से) का प्रमुख कार्यकारी अधिकृत (सीईओ) चूडामणि चापागाईँले राजीनामा दिएका छन् ।
चापागाईँले सोमवार अर्थमन्त्री डा. स्वर्णिम वाग्लेसमक्ष राजीनामा बुझाएको जनाइएको छ । उनले आफ्नो कार्यकाल पूरा हुनुअघि नै राजीनामा दिएका हुन् ।
राष्ट्रिय स्वतन्त्र पार्टीको सरकारले अघिल्ला सरकारले राजनीतिक नियुक्ति गरेका विभिन्न निकायका झण्डै १५ सय व्यक्तिहरूलाई अध्यादेश मार्फत हटाएर नयाँ ढंगले फेरि नियुक्ति गरिरहेको छ ।
चापागाईँ पनि २०८१ साल चैतमा मन्त्रिपरिषद्को निर्णयबाट नेप्सेको सीईओ पदमा नियुक्त भएका थिए ।
तर, सरकारले अध्यादेश मार्फत विगतका नियुक्त खारेज गरे पनि नेप्सेमा भएको नियुक्ति भने हटाएको थिएन ।
प्रतिक्रिया