काठमाडौं । ललितपुरको पाटनमा दुई दाजुभाइमाथि चक्कु प्रहार गरी हत्या गरेको घटनामा संलग्न सञ्जीव नेपालीसहित तीनजना पुर्पक्षका लागि जेल चलान भएका छन् ।
ललितपुर जिल्ला अदालतले नेपालीसहित गगन सुनार र विकास लिम्बूलाई पुर्पक्षका लागि जेल चलान गरेको हो ।
ललितपुर प्रहरीले उक्त घटनाको अनुसन्धान प्रतिवेदन सोमबार सरकारी वकिलको कार्यालयलाई जन्मकैद माग गर्दै बुझाएको थियो ।
चैत २५ मा झापाका २६ वर्षीय सिर्जन नेम्बाङ र ३३ वर्षीय सुमित नेम्बाङमाथि चक्कु प्रहार भएको थियो । चक्कु प्रहारबाट गम्भीर घाइते भएका उनीहरूको अस्पतालमा मृत्यु भएको थियो ।
प्रतिक्रिया