ललितपुर- राष्ट्रिय स्वतन्त्र पार्टी (रास्वपा) का सभापति रवि लामिछाने आफ्ना पुराना साथी रामकृष्ण ढकालले बनाएको चलचित्र ‘मालती मंगले’को प्रिमियरमा सहभागी हुन लबिम मल पुगेका छन् ।

तीन दशक पुराना साथी एवम् गायक ढकाल निर्माता रहेको यो फिल्म हेर्न लामिछाने पुलचोकस्थित लाबिम मल पुगेका हुन् । त्यहाँको क्युएफएक्स सिनेमा हलमा रविले रामकृष्णसँगै उक्त फिल्म हेरिरहेका छन्।

यो फिल्म यही शुक्रबारदेखि प्रदर्शनमा आउँदैछ । यसअघि पुराना साथी यी दुईले मिलेर ‘तिम्रो आगमनले’ बोलको गीत बनाएका छन् । यो गीतका शब्द लामिछानेको हो भने स्वर ढकालले दिए।

‘मालती मंगले’मा विजय बराल र वर्षा राउतको अभिनय छ । यो चलचित्रको प्रिमियरमा वरिष्ठ कलाकार मदनकृष्ण श्रेष्ठ पनि सहभागी छन् ।

तर गत भदौ २४ गते जेल ब्रेक गरेका रविलाई लिन सनरुफवाला आफ्नो गाडी हाँकेर पुगेका रामकृष्ण अहिले विवादमा छन् ।

उनले रविको गैह्रकानुनी काममा साथ दिएको भन्दै फिल्म बहिष्कार ट्रेन्ड नै चलाइएको छ। उनला खरानी ग्याङको सदस्य भन्दै साइबर आक्रमण भइरहेको छ।