काठमाडौं– राष्ट्रिय स्वतन्त्र पार्टी (रास्वपा) का सांसद कविन्द्र बुर्लाकोटीले यस पटकको निर्वाचनपछि जनताले ठूलो अपेक्षा राखेको बताएका छन् ।

प्रतिनिधिसभाको सोमबार बसेको बैठकमा बोल्दै उनले जनताको अपेक्षा ठूलो रहेकाले सरकारले त्यहीअनुसार काम गर्नुपर्ने बताएका छन् ।

जनताले आफूहरूलाई ठूलो जिम्मेवारीसहित सदनमा पठाएको उल्लेख गर्दै उनले अब केवल अनुहार मात्रै नभई काम गर्ने शैली र परिणाम पनि परिवर्तन हुनुपर्ने बताए ।

‘हामीलाई ठूलो भारी बोकाएर जनताले पठाउनु भएको छ । यो सदनमा अनुहारमात्रै परिवर्तन भएको छैन, धेरै कुराहरू परिवर्तन गर्ने सदस्यहरू उपस्थित भएका छौँ,’ उनले भने ।

सांसद बुर्लाकोटीले वर्तमान संसद्ले जनताको विश्वास जोगाउँदै ठोस परिवर्तनतर्फ अघि बढ्नुपर्ने पनि बताएका छन्।