नेपालगन्ज – बाँके निर्वाचन क्षेत्र नम्बर २ को प्रतिनिधिसभा सदस्यतर्फको मतगणना सुरु भएसँगै नेकपा (एमाले) ले अग्रता लिएको छ। निर्वाचन अधिकृतको कार्यालयले सार्वजनिक गरेको प्रारम्भिक विवरण अनुसार एमालेका उम्मेदवार मोहम्मद इश्तियाक राईले आफ्ना प्रतिस्पर्धीहरूलाई पछि पार्दै अग्रता कायम गरेका हुन्।
हालसम्मको गणनामा राईले ६८५ मत प्राप्त गरेका छन्। उनलाई नेपाली कांग्रेसका उम्मेदवार सुधांशु कोइरालाले पछ्याइरहेका छन्। कोइरालाले ४०२ मतका साथ दोस्रो स्थानमा छन्।
त्यस्तै, राष्ट्रिय स्वतन्त्र पार्टी (रास्वपा) का उम्मेदवार विवेक कुमार श्रेष्ठले हालसम्म २८९ मत प्राप्त गरेका छन्। बाँकेको यो क्षेत्रमा चुनावी भिडन्त निकै रोचक हुने अनुमान गरिएको छ।
प्रतिक्रिया