काठमाडौं- चीनको औद्योगिक गतिविधिमा संकुचन आएको छ । चीनको औद्योगिक गतिविधि संकुचित भएको त्यहाँको आधिकारिक म्यानुफ्याक्चरिङ पर्चेजिङ म्यानेजर्स सूचक पीएमआईले देखाएको छ ।

ब्लूमबर्गका अनुसार जनवरी महिनामा पीएमआई ओरालो लागेर ४९.३ विन्दुमा पुगेको छ । यसअघि जनवरी महिनामा यो ५०.१ रहेको थियो ।

जनवरीमा पनि पीएमआई सूचक ५०.१ नै रहने विश्लेषण गरिएको थियो । यो सूचक ५० भन्दा धेरै भए औद्योगिक गतिविधिमा विस्तार भएको र त्यसभन्दा कम भए संकुचन आएको बुझिन्छ ।

समाचारमा जनाइएअनुसार सेवा तथा निर्माण क्षेत्रतर्फकोे गतिविधि पनि ओरालो लागेको छ । जनवरीमा यसको सूचक घटेर ४९.४ विन्दुमा पुगेकोे छ । अघिल्लो महिना यो ५०.२ रहेको थियो ।

यो सन् २०२२ यताकै सबैभन्दा न्यून विन्दु रहेको ब्लूमबर्गले उल्लेख गरेको छ । हाल चीनमा आन्तरिक मागमा अझै समस्या रहेको जनाइएको छ ।

सोही कारण चिनियाँ कारखानाहरु वैदेशिक मागको क्षमतामा सञ्चालन भइरहेको विश्लेषण गरिएको छ । बलियो वैदेशिक मागका कारण गत वर्ष चीनको कुल ग्राहस्थ उत्पादन ५ प्रतिशतले विस्तार भएको छ ।