काठमाडौं – शुक्रबारबाट दुई नेपाली फिल्म ‘कुमारी’ र ‘रमिताको पिरती’ प्रदर्शनमा आएका छन् ।

लभस्टोरी फिल्मको निर्देशनमा फर्किएका निर्देशक दिनेश राउतको ‘कुमारी’मा डेब्यू नायक अबिषेक खड्का र डेब्यू नायिका आकृति राजभण्डरी शीर्ष भूमिकामा छन् ।

यो फिल्मले प्रदर्शनको पहिला दिनका लागि १६० भन्दा बढी शो पाएको छ । यो फिल्मको टिम देशव्यापी प्रचारमा हिडेको थियो ।

त्यस्तै, रोमान्टिक ड्रामामा आधारित डेब्यू निर्देशक सुदीप्ताको फिल्म ‘रमिताको पिरती’मा स्टार अनुहारहरुको अभिनय रहेको छ ।

यो पनि : १२ वर्षे उमेरमै अबिषेकमा जागेको हिरो बन्ने रहर !

यसमा नायिका आना शर्मा, नायक धिरज मगर र नायिका विनय श्रेष्ठ शीर्ष भूमिकामा छन् । शीर्ष भूमिकामा यही फिल्मबाट गायक समीर श्रेष्ठले अभिनयमा डेब्यू गरेका छन् ।

यो फिल्मले शुक्रबारका लागि ९५ भन्दाबढी शो पाएको छ ।

शो बाँडफाँट हेर्दा हलवालाहरुले ‘कुमारी’प्रति बढी विश्वास गरेको देखिन्छ । पहिला दिनका लागि ‘रमिताको पिरती’ले ६० भन्दा बढी शो पाएको छ ।

लगातार फिल्महरु फ्लप भइरहको अवस्थामा यी दुई फिल्म प्रदर्शनमा आएका हुन् ।

थप : लगातर १६ फिल्म बक्स अफिसमा फ्लप, स्टारले नै पुर्‍याउन सकेनन् करोड ‘ग्रस कलेक्सन’