काठमाडाैँ – अस्ट्रेलिया भ्रमणमा रहेको नेपाल ‘ए’ पुरुष क्रिकेट टोलीले अन्तिम तथा तेस्रो एकदिवसीय खेलमा न्युजिल्यान्ड ‘ए’ विरुद्ध टस जितेर पहिले ब्याटिङ गरिरहेको छ। डार्विनको मरारा ओभल मैदानमा जारी खेलमा नेपालले टस जिती ब्याटिङ रोजेको हो।

नेपाल आजको खेलमा न्युजिल्यान्ड ‘ए’ लाई पराजित गर्दै अस्ट्रेलिया भ्रमणको सुखद अन्त्य गर्ने लक्ष्यमा छ। जारी एकदिवसीय शृङ्खलाका अघिल्ला दुवै खेलमा नेपाल पराजित भएको थियो।

यसअघि नेपाल तास्मिनियासँग २ विकेट र दक्षिण अस्ट्रेलियासँग १३८ रनको फराकिलो अन्तरले पराजित भएको थियो। आजको खेलका लागि नेपाली टोलीको प्लेइङ-११ मा एक परिवर्तन गरिएको छ। नेपालले नारायण जोशीको स्थानमा विपिन खत्रीलाई मैदान उतारेको छ।

चोटका कारण टोलीका प्रमुख ब्याटर कुशल भुर्तेल आजको खेलमा पनि प्लेइङ-११ बाहिरै रहेका छन्।