काठमाडौं- बंगलादेशमा शेख हसिनाको सरकार पतन भएपछि धार्मिक उग्रवाद पुनः बढ्न थालेको भन्दै आधिकारवादीहरुले चिन्ता व्यक्त गरेका छन् ।

बंगलादेशमा बढिरहेको धार्मिक उग्रवादले क्षेत्रीय सुरक्षामा समेत चिन्ता थपेको छ । द डिप्लोम्याटमा प्रकाशित विवरणअनुसार विगतमा हसिना सरकारले जमात-ए-इस्लामी जस्ता कट्टरपंथ दल तथा जिहादी समूहहरूमाथि कडा प्रतिबन्ध लगाएर धार्मिक उग्रवादविरुद्ध ढालको रूपमा काम गरेको थियो ।

अधिनायकवादी शासन शैली अपनाएको भए पनि त्यसलाई उग्रवाद नियन्त्रण गर्ने औजारका रूपमा स्वीकार गरिएको थियो । तर, सन् २०२४ अगस्ट ५ मा हसिनाको अवामी लिग सरकार ढलेपछि बंगलादेशमा उग्रवादीहरूले खुला छुट पाउने आशङ्का बढेको थियो। यसबाट विशेष गरी भारत आफ्नो पूर्वी छिमेकी देश फेरि उग्रवादीहरूको सुरक्षित आश्रयस्थल बन्ने र त्यसले भारतीय भूमिमा समेत खतरा निम्त्याउने आशङ्कामा चिन्तित छ।

हसिना सरकार पतन भएको दुई वर्ष भइसकेको यो स्थितिमा जमात-ए-इस्लामीले संसदीय राजनीतिमा सशक्त पुनरागमन गरेको छ। अहिले कट्टरपंथ समूहहरू संगठित हुँदै गएका छन् भने धार्मिक अल्पसंख्यकहरूमाथि आक्रमणका घटनाहरू पनि बढ्दै गएका छन्।