काठमाडौँ – इजिप्टका स्टार फुटबलर मोहम्मद सलाह टर्किस सुपर लिग क्लब ट्राब्जोनस्पोरमा अनुबन्ध हुने तयारीका साथ टर्की पुगेका छन्।

इस्तानबुल विमानस्थलमा अवतरण गर्दा उनलाई सयौँ समर्थकले भव्य स्वागत गरेका छन्। ट्राब्जोनस्पोरको गाढा रातो र निलो रङको आधिकारिक जर्सी लगाएर इस्तानबुल उत्रिएका ३४ वर्षीय सलाहलाई हेर्न र स्वागत गर्न विमानस्थलमा समर्थकको ठूलो घुइँचो लागेको थियो।

समर्थकहरूले नाराबाजी गर्दै र उनीसँग खुसी साटासाट गर्दै स्वागत गरेका थिए। लिभरपुलसँगको लामो र सफल यात्रा समाप्त गरेपछि सलाह टर्कीको शीर्ष डिभिजन लिग खेल्न पुगेका हुन्।

स्वास्थ्य परीक्षण तथा सम्झौताका बाँकी प्रक्रिया पूरा गरेपछि उनको अनुबन्धबारे क्लबले आधिकारिक घोषणा गर्नेछ।