काठमाडौं – ठूलो बजेटमा बनेको फिल्मका रुपमा दक्षिण भारतमा चर्चा कमाएको ‘नागबन्धम’ नेपालमा पनि प्रदर्शनमा आएको छ ।

पौराणिक ड्रामामा आधारित यस फिल्ममा भीएफएक्स प्रविधि बढी प्रयोग भएकाले चर्चामा आएको हो ।

‘लार्जर देन लाइफ’अनुभव दिने यो फिल्मका शीर्ष कलाकारमा नायक विराट कर्ण, नायिकाहरू नभा नतेश र ऐश्वर्या मेनन छन् ।

फिल्ममा हिमालयको रहस्यमय गहिराइमा लुकेको भगवान् अनन्त पद्मनाभस्वामीको अमूल्य खजाना र श्रीरङ्गापुरम् मन्दिरमा रहेको ऐतिहासिक ‘ब्रह्म कमल’को रहस्यमय संसारलाई भव्य रूपमा प्रस्तुत गरिएको निर्माण पक्षले दाबी गरेको छ ।

अभिषेक नामाको लेखन तथा निर्देशनमा फिल्म बनेको हो । भारतमा गत शुक्रबारदेखि प्रदर्शनमा आएको यो फिल्म नेपालमा शनिबारबाट हलमा लागेको हो ।