काठमाडौं– प्रधानन्यायाधीश मनोजकुमार शर्माले न्याय परिषद्को बैठक बोलाएका छन् । सर्वोच्च अदालतमा रिक्त न्यायाधीश पदपूर्तिको प्रक्रिया अघि बढाउन प्रधानन्यायाधीश शर्माको अध्यक्षतामा मंगलबार दिउँसो १ बजे परिषद् बैठक बस्दैछ ।

बैठकमा सर्वोच्च अदालतमा रिक्त न्यायाधीश पदमा नियुक्तिका लागि सिफारिस गर्ने विषयमा छलफल हुने छ ।

सर्वोच्च अदालतमा अहिले चार न्यायाधीशको पद रिक्त छ । रिक्त पदमा नियुक्तिका लागि योग्य उम्मेदवारबारे छलफल गरी सिफारिस गर्ने तयारी बैठकको मुख्य एजेन्डा रहेको बताइएको छ ।

प्रधानन्यायाधीश शर्माको अध्यक्षतामा रहेको न्याय परिषद्मा कानुनमन्त्री सोविता गौतम, सर्वोच्च अदालतकी वरिष्ठतम न्यायाधीश सपना प्रधान मल्ल तथा सदस्यहरू महेशकुमार नेपाल र दामोदर खड्का रहेका छन्