काठमाडौं – पछिल्लो समय बायोपिक निर्देशनमा केन्द्रित बनेका मिलन चाम्सले हरिवंश आचार्यको पनि बायोपिक बनाउने तयारी गरेको पाइएको छ ।

चाम्सले उक्त बायोपिकका लागि नायक पनि फाइनल गरी सम्झौता गरिसकेका छन् ।

चाम्सका अनुसार नायक अरुण क्षेत्री हरिवंशको बायोपिकको शीर्ष कलाकार हुन् । तर, यो केही समय पश्चात् सुरु हुने प्रोजेक्ट हो ।

अहिले उनी मदनकृष्ण श्रेष्ठको बायोपिक ‘म मदनबहादुर’ निर्माणका लागि कलाकार चयनको क्रममा छन् । यही फिल्मका लागि हरिवंशको भूमिकामा नायक अरुण क्षेत्री फाइनल भएका हुन् ।

हरिवंशको बायोपिकमा अरुण नै शीर्ष भूमिकामा लिइने चाम्सले बताए ।

हरिवंशको बायोपिकमा शीर्ष भूमिका रहने सर्तसहित ‘म मदनबहादुर’ आफू अनुबन्ध भएको अरुणले खुलाए ।

निर्देशक मिलनले पनि हरिवंशको बायोपिकका लागि समेत अरुण अनुबन्ध भएको बताए । तर, यो फिल्म बन्न अझै केही समय लाग्ने देखिन्छ । यसको औपचारिक घोषणा पनि भएको छैन ।