बेरुत, लेबनान – वाशिङ्गटनमा इजरायलसँगको वार्तापछि घोषणा गरिएको युद्धविराम कार्यान्वयन गर्ने सम्झौता बृहत् युद्धविराममा पुग्ने ‘अन्तिम अवसर’ भएको लेबनानका राष्ट्रपति जोसेफ ओउनले बिहीबार बताएकाे छ ।

‘चौथो चरणको वार्तापछि लेबनानको पक्षमा धेरै महत्त्वपूर्ण बुँदाहरू समावेश गरिएको र बृहत् युद्धविराममा प्रवेश गर्ने यो अन्तिम अवसर हो । यदि यसप्रति सकारात्मक प्रतिक्रिया दिन असफल भइयो भने द्वन्द्वरत सम्वद्ध पक्ष यसका लागि जिम्मेवार मानिनेछन्,’ राष्ट्रपति ओउनले भने ।

ओउनले भने, ‘लेबनानले ‘सम्बन्धित आन्तरिक पक्ष’ र विशेष गरी हेजबुल्लाहबाट प्रतिक्रिया प्राप्त हुनासाथ संयुक्त राज्य अमेरिकालाई आफ्नो अवस्थाको बारेमा सूचित गर्नेछ । अमेरिकाले युद्धविराम सुरु हुने मिति तोक्नेछ र राष्ट्रपति डोनाल्ड ट्रम्प यसको कार्यान्वयनको लागि प्रत्यक्षरूपमा जिम्मेवार ठहर्नुहुनेछ ।’