काठमाडौं – वैशाख ११ बाट प्रदर्शनमा आएको फिल्म ‘परालको आगो’ले ‘राम नाम सत्य’को भन्दा राम्रो व्यापार गरेको देखिएको छ । 

यो फिल्मले प्रदर्शनमको सुरुवाती १० दिनमा तीन करोड १२ लाख ग्रस कलेक्सन गरेको छ । 

चलचित्र विकास बोर्डका अनुसार लक्ष्मण सुनार निर्देशित यस फिल्म हेर्नका लागि एक लाख १० हजार भन्दामाथि टिकट खरिद-बिक्री भएको छ । 

यस फिल्ममा नायकहरू सौगात मल्ल प्रकाश सपुत र नायिका सुहाना थापा शीर्ष भूमिकामा रहेका छन् । 

त्यस्तै, चैत २७ बाट प्रदर्शनमा आएको फिल्म ‘राम नाम सत्य’ले भने वैशाख २० सम्म तीन करोड ३९ लाख छ । 

‘परालको आगो’भन्दा दुई साताअघि प्रदर्शनमा आएको ‘राम नाम सत्य’को ग्रस कलेक्सन उक्त फिल्मभन्दा २७ लाखले मात्रै बढी छ । 

एक्सन जनरामा बनेको माइकल चन्द निर्देशित यस फिल्ममा नायकहरू विराज भट्ट, सुशील श्रेष्ठ, नायिकाहरू सुपुष्पा भट्ट र दिव्या रायमाझी शीर्ष भूमिकामा छन् ।