काठमाडौं – कोपा डेल रेको क्वार्टरफाइनलमा बार्सिलोना विजयी भएको छ। बार्सिलोनाले अल्बासेटेलाई २-१ गोल अन्तरले पराजित गरेको हो।
रोमाञ्चक खेलमा बार्सिलोनाका लागि लामिन यामल र रोनाल्ड अराउजोले गोल गरेका हुन्।
बार्सिलोनाको लागि खेलको ३९ औं मिनेटमा यामलले गोल गर्दै सुरुवाती अग्रता दिलाएका थिए। दोस्रो हाफको ५६ मिनेटमा अराउजोले हेड गोल गर्दै अग्रता दोब्बर बनाए।
घरेलु मैदानमा अल्बासेटेले खेलको अन्तिम समय अर्थात् ८७ मिनेटमा गोल फर्काएको थियो। उसका लागि जाभी मोेरेनोले गोल फर्काउँदै खेल २-१ अन्तरमा टुंग्याएका हुन्।
यो जितसँगै बार्सिलोना सेमिफाइनल प्रवेश गरेको छ।
प्रतिक्रिया