काठमाडौं- राष्ट्रिय स्वतन्त्र पार्टीका सभापति रवि लामिछानेले देशमा लोकतन्त्रमाथि कुनै खतरा नभएको बताएका छन् । आइतबार नेपाली कांग्रेसको महाधिवेशनलाई सम्बोधन गर्दै उनले प्रतिपक्षीहरूलाई जवाफ दिँदै यस्तो बताएका हुन् ।

‘लोकतन्त्रको यति धेरै दुहाई पनि नदिनुस कि लोकतन्त्रको सबै रक्षा हामीले नै गर्छौं भनेर पूरै ठेक्कापट्टा लिने काम नगर्नुस्, लोकतन्त्रलाई खतरा छैन, खतरा भए जोगाउने जनता छन्, जनताले जोगाउँछन्’, उनले भने ।

उनले आन्दोलन गरेर सरकार ढाल्नभन्दा चुनावबाट सरकार ढाल्न चुनौती दिँदै लोकतन्त्रलाई निर्वाचनको माध्यमबाट मात्रै बलियो बनाउन सकिने बताए । साथै, उनले लोकतन्त्रमा विदेशी चलखेल र सेनाको प्रयोगबारे भनिएको अभिव्यक्तिको विरोध गरे ।