काठमाडौं– राष्ट्रिय स्वतन्त्र पार्टीका सभापति रवि लामिछानेले सरकार नढल्ने बरु सरकार ढल्छ भन्ने मान्छे नै ढल्ने टिप्पणी गरेका छन् । नेपाली कांग्रेसको १५औँ महाधिवेशनलाई सम्बोधन गर्दै उनले सरकार कमजोर भयो, ढलिहाल्छ भन्ने सुनिएको भन्दै सरकार नढल्ने बरु सरकार ढल्छ भन्ने मान्छे नै ढल्ने बताए ।

‘कहिलेकाहीँ सुनिन्छ, सरकार कमजोर भयो, सरकार ढल्छ, अहिलै ढल्छ, भोलि ढल्छ, दशैंमा ढल्छ, तिहारमा ढल्छ, छठमा ढल्छ, नेपाल संवतमा ढल्छ, ढल्छ की ढल्छ भनेको बढो सुन्छु’, उनले भने, ‘ढल्न त ढल्छ, तर यो पटक पटक सरकार ढल्छ भन्ने मान्छे सरकार नढलेको देखेर बेहोस भएर ढल्छ, सरकार ढल्दैन ।’

उनले यस पटक व्यक्तिलाई चुनेको भन्दापनि जनताले इतिहासलाई बदल्नको लागि सरकार चुनेको बताए ।