काठमाडौं– नेपाली कम्युनिष्ट पार्टीका संयोजक पुष्पकमल दाहालले आफूले विगतमा नेपाली कांग्रेसका सभापति गगन थापालाई देशको नेतृत्व गर्ने अवस्था आउन सक्ने भनेको बताएका छन् ।

आइतबार नेपाली कांग्रेसको महाधिवेशनलाई सम्बोधन गर्दै संयोजक प्रचण्डले विगतमा एउटै क्याबिनेटमा गगन थापासँग सहकार्य गरेको स्मरण गर्दै यस्तो बताएका हुन् ।

‘गगनजीलाई मैले त्यतिबेलै भन्थेँ अन्ततः यो देशको एकदिन नेतृत्व गर्ने अवस्था आउन सक्छ भन्थेँ आज आएको देख्छु’, उनले भने, ‘निकै ठूलो जिम्मेवारी, नेपाली एउटा एतिहासिक लोकतान्त्रिक पार्टी हुनुको नाताले अहिले देशको विषम परिस्थितिमा एउटा क्रमभंगसहित तपाईंले नेपाली कांग्रेसलाई नयाँ बनाउने जमर्को गरेको कारणले पनि मैले भन्थे सबै नेपाली कांग्रेसका नेता तथा कार्यकर्तालाई एकीकृत गरेर केन्द्रीकृत गरेर एउटा विशाल शक्ति निर्माण होस् ।’