काठमाडौं- नेपाली कांग्रेसको १५औं महाधिवेशनमा सभापति गगन थापाले राजनीतिक प्रतिवेदन प्रस्तुत गरेका छन् । प्रतिवेदनमा कांग्रेसले जुनसुकै चुनाव आफ्नै साम्मर्थ्यले एकल रुपमा लड्ने उल्लेख छ ।

सभापति थापाले प्रतिवेदनमा निर्वाचनको बेला कुनै पनि पार्टीसँग सहकार्य र गठबन्धन नगर्ने जनाएका छन् । आफ्नै रुख चुनाव चिह्न, आफ्नै उम्मेदवार र आफ्नै एजेन्डासहित जनतामाझ जाने तथा उम्मेदवार छनोटमा गुट, पहुँच र संरक्षणभन्दा योग्यता, योगदान र कार्यसम्पादनलाई प्राथमिकता दिने प्रस्ताव गरिएको छ ।

उम्मेदवार छनोटमा प्राइमरी निर्वाचन, सार्वजनिक मतसर्वेक्षण र सदस्यको प्रत्यक्ष मतलाई महत्व दिने तथा प्रतिबद्धता समेत जनाइएको छ । प्रतिवेदनमा फागुन २१ को निर्वाचनमा कांग्रेसले भोग्नुपरेको पराजयलाई दुई दशकदेखि कांग्रेसले गरेको राजनीतिक यात्रा र जनतालाई गरेको इन्कारको परिणामका रुपमा हेरिएको छ ।