नुवाकोट– त्रिशूलीमा आएको बाढीले पक्की पुल बगाएपछि नुवाकोटमा आवतजावत गर्न तुइनको भर पर्नुपर्ने अवस्था आएको छ ।
बाढीपछि विदुर नगरपालिका–१ इन्द्रायणी चौर र विदुर–९ को कोलनी, गुम्बा डाँडा क्षेत्रलाई जोड्ने गरेर गत भदौ १५ मा तुइन हालिएको थियो ।
यो तुइनबाट स्थानीयहरू आवतजावतसँगै औषधि र अत्यावश्यक सामग्री ढुवानी पनि भइरहेको छ । देवीघाट बजार क्षेत्रमा पनि तुइन तयार पारिएको छ ।
बाग्मती प्रदेश सरकारले बाढी प्रभावित ठाउँमा आवतजावतका लागि तुइन निर्माण अघि बढाएको हो । स्थानीय तहसँग समन्वय गरेर अन्य ठाउँमा पनि तत्कालका लागि तुइन तयार पर्ने योजना प्रदेश सरकारको छ ।
तस्बिर : नेपाल फोटो लाइब्रेरी
प्रतिक्रिया