काठमाडौं– नेकपा एमालेका प्रमुख सचेतक ऐन महरले गृहमन्त्री सुधन गुरुङलाई उद्धार अभियानको कमाण्ड सम्हाल्दै सबै सुरुङमा फसेका नागरिकको जीवनरक्षाका लागि तत्काल राज्यशक्ति र आवश्यक जनशक्ति परिचालन गर्न आग्रह गरेका छन् ।
उनले शुक्रबार समाजिक सञ्जालमा लेख्दै आवश्यक परे अन्तर्राष्ट्रिय सहयोग लिन र सम्बन्धित आयोजना तथा प्राविधिकसँग समन्वय गर्न पनि सुझाव दिएका हुन् ।
‘गृहमन्त्रीज्यू प्लिज तपाईँ कमाण्ड सम्हाल्नुहोस्, समन्वय गर्नुहोस् र सञ्चार गर्नुहोस्,’ उनले भनेका छन् ।
महरले गृहमन्त्रीले अक्सिजन सिलिन्डर बोक्नुभन्दा उद्धारको समन्वय, निर्णय र व्यवस्थापनमा ध्यान दिनुपर्ने बताएका छन् । ‘तपाईँको काम त्यो अक्सिजन सिलिन्डर बोक्ने होइन। तपाईँले गर्दा त्यहाँ काम गर्ने मान्छेलाई डिस्टर्ब भइरहेको छ,’ उनले भनेका छन् ।
सामाजिक सञ्जालमा भाइरल हुनेभन्दा टनेलमा फसेका नागरिकको जीवन रक्षा गर्न सम्पूर्ण शक्ति परिचालन गर्न आग्रह गरेका छन् ।
महरले सिलिन्डर बोक्ने काम उद्धारमा खटिएका सुरक्षाकर्मीले गर्न सक्ने भन्दै गृहमन्त्रीले त्यसभन्दा महत्त्वपूर्ण जिम्मेवारी सम्हाल्नुपर्ने बताएका छन् ।
‘त्यो सिलिन्डर बोक्ने काम त त्यहाँ खटिएको एक जना प्रहरी जवानले गरिहाल्नुहुन्छ नि। त्यसका लागि गृहमन्त्री चाहिँदैन,’ महरको भनाइ छ।
यस्तो छ उनको भनाइ :
प्रतिक्रिया