काठमाडौँ – फिफा विश्वकपको अन्तिम ३२ को खेलमा स्विट्जरल्यान्डले अल्जेरियाविरुद्ध २–० को अग्रता बनाएको छ । खेलको सुरुवातमै रक्षापंक्तिको कमजोरीको फाइदा उठाउँदै स्विट्जरल्यान्डले खेलमा पकड जमाएको हो ।

खेलको १० औँ मिनेटमा जे डब्लू मान्जाम्बीको पासलाई सदुपयोग गर्दै ब्रिल एम्बोलोले उत्कृष्ट गोल गरेर स्विट्जरल्यान्डलाई सुरुवाती अग्रता दिलाएका थिए ।

त्यसपछिका समयमा दुवै टोलीबीच कडा प्रतिस्पर्धा भयो । दोस्रो हाफको पहिलो मिनेट अर्थात् खेलको ४६ मिनेटमा स्विट्जरल्यान्डका लागि डान एनडोये दोस्रो गोल गरेका हुन् ।

स्विट्जरल्यान्डले आफ्नो रणनीति र रक्षापंक्ति चुस्त राख्दै काउन्टर अट्याकमा उत्कृष्ट खेल प्रदर्शन गरिरहेको छ, जसका कारण अल्जेरियाली टोली निकै दबाबमा देखिएको छ ।